Sa SWS survey na ginawa mula December 16 hanggang 18, 2018, kalahati o 51 percent ng mga Pinoy ang nagsabi na masaya sila sa kanilang love life.
Nasa 36 percent ang nagsabi na pwede silang sumaya habang 13 percent ang nagsabi na hindi sila masaya sa kanilang love life.
Ang resulta ay mas mababa sa 2017 SWS survey kung saan naitala na 57 percent ng mga Pinoy ang masaya sa kanilang buhay pag-ibig, 29 percent ang pwedeng sumaya at 14 percent ang malungkot sa kanilang love life.
Samantala, lumabas din sa survey na mas marami ang single na babae kaysa single na lalaki na walang love life o 59 percent kumpara sa 43 percent.
Habang ang mga indibidwal na 25 anyos pataas ang mas masaya sa kanilang buhay pag-ibig.