Sanggol, patay sa sunog sa Pasay

Nasawi ang isang sanggol na lalaki sa sunog sa residential area sa Pasay City.

Kinilala ang namatay na si Alex Cabil, 4 buwang gulang.

Sumiklab ang sunog sa Saint Francis Street, Barangay 178 sa Maricaban.

Ayon kay ground commander Fire Supt. Paul Pili, nagsimula ang sunog alas 5:27 Miyerkules ng gabi.

Idineklara itong under control alas 9:07 ng gabi at fire out alas 9:12 ng gabi.

Patuloy ang imbestigasyon sa sanhi ng sunog, detalye ng pagkamatay ng sanggol at halaga ng pinsala.

Kamakailan lamang ay 7 magkakamag-anak ang nasawi matapos ma-trap sa sunog sa kanilang bahay sa Barangay 183 sa Maricaban pa rin.