WATCH: Fil-Am na si Angelica Hale muling pinabilib ang mga hurado sa America’s Got Talent
Muling pinabilib ng Fil-Am na si Angelica Hale ang mga hurado sa kaniyang performance sa espesyal na edisyon ng America’s Got Talent: The Champions.
Sa episode ngayong linggo, ang kantang ‘Impossible’ ang inawit ng 11-anyos na si Angelica Hale.
Tinawag ni Mel B na brilliant ang naging performance ni Angelica na aniya ay napakalaki na ng improvement.
Ayon naman kay Simon Cowell kitang-kita sa performance ni Angelica ang kagustuhan niyang maipanalo ang kompetisyon.
Si Angelica Hale ay isang kidney transplant survivor.
Nagtala din siya ng history sa AGT na kauna-unahang contestant na nakakuha ng dalawang golden buzzers.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.