Miyembro ng Abu Sayyaf na sangkot sa bus bombing sa Kidapawan at kidnapping sa sa Basilan naaresto sa Maynila

Arestado sa Maynila ang isang miyembro ng Abu Sayyaf na sangkot sa mga insidente ng pambobomba at pagdukot ilang taon na ang nakararaan.

Kinilala ang suspek na si Daiyung Abdurahman alyas Biznar Salabudin na ayon kay Philippine National Police (PNP) chief Dir. Gen. Oscar Albayalde ay nadakip sa Malate, Maynila.

May kasong kidnapping at serious illegal detention ang suspek.

Sangkot si Abdurahman sa pagpapasabog sa Kidapawan Bus terminal noong taong 2012 gayundin sa pagdukot sa 15 empleyado ng Golden Harvest Plantation noong taong 2001.

Sa kabila ng pagkakadakip sa naturang Abu Sayyaf member sa Maynila, sinabi ni National Capital Region Police Office chief Dir. Guillermo Eleazar na walang banta ng terorismo sa Metro Manila.

TAGS: abu sayyaf member, kidapawan bus bombing, malate manila, Radyo Inquirer, abu sayyaf member, kidapawan bus bombing, malate manila, Radyo Inquirer