Pag-endorso kay Imee Marcos pagtanaw ng utang na loob ayon sa Malacañang

By Chona Yu February 11, 2019 - 06:36 PM SHARE(S):
Inquirer file photo

“Bayad sa utang na loob”.

Ito ang naging paliwanag ng Malacañang sa pag-endorso ni Pangulong Rodrigo Duterte kay Ilocos Governor Imee Marcos na kakandidatong senador sa May 13 elections.

Ayon kay Presidential Spokesman Salvador Panelo, hindi naman nakasuhan sa korte si Marcos dahil sa isyu ng korupsyon.

“According to the President, he is helping Imee because he is indebted to her”, paliwanag ni Panelo.

Hindi aniya ito taliwas sa masidhing panininidgan ni Pangulong Duterte kontra sa katiwalian.

Ayon kay Panelo, tinutulungan ng pangulo si Marcos dahil isa lamang siya sa dalawang gobernador na tumulong noon sa kandidatura ng punong ehekutibo.

Matatandaang ang pamilya ni Marcos ay inaakusahan ng ill-gotten wealth o pagkakamal ng malaking halaga ng public fund noong panahon na nanunungkulan pa ang kanyang amang si dating Pangulong Ferdinand Marcos.

TAGS: 2019 elections, duterte, Imee Marcos, panelo, Senator, 2019 elections, duterte, Imee Marcos, panelo, Senator

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.