P300M intelligence support ng Amerika sa Pilipinas ikinalugod ng Malakanyang
Welcome sa Palasyo ng Malakanyang ang P300 milyon intelligence fund na ayuda ng Amerika sa Pilipinas.
Ayon kay Presidential Spokesman Salvador Panelo, patunay ito na malakas pa rin ang military alliance ng Pilipinas at Amerika.
Sinabi pa ni Panelo na pandaigdigang suliranin ang terorismo na walang kinikilalang teritoryo, pulitika, relihiyon at paniniwala.
Dagdag ni Panelo, kailangan ng tulong at kooperasyon ng bawat United Nations member country para labanan ang terorismo.
Tiniyak ni Panelo na lalo pang palalakasin ng pamahalaan ang hakbangin upang matiyak ang kaligtasan ng mamayan.
Nanawagan aniya ang palasyo sa lahat na maging mapagmatyag at ipabatid sa mga otoridad ang anomang kahina-hinalang kilos ng sinomang indibidwal o grupo na posibleng maghatid ng panganib sa mga inosenteng sibilyan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.