Pagsasampa ng kaso laban sa Chinese national itinuloy ng pulis na sinabuyan ng taho

Itinuloy ni PO1 William Cristobal ang pagsasampa ng reklamo laban sa babaeng Chinese national na nagsaboy sa kaniya ng taho sa Boni station ng MRT-3 noong weekend.

Mga reklamong direct assault, disobedience to an agent of a person in authority at unjust vexation ang isinampa ni Cristobal laban kay Jiale Zhang sa Mandaluyong City Prosecutor’s Office.

Magugunitang nag-viral ang ginawa ni Zhang kay Cristobal.

Si Zhang ay isang fashion design student at nag-aaral dito sa Pilipinas.

Kasabay nito ay inilabas naman ng mga otoridad sa publiko ang CCTV footage ng pangyayari.

Ang footage ay mula sa CCTV ng MRT-3 Boni station.