Ariana Grande nagwagi ng kaniyang unang Grammy Award

Napanalunan ni Ariana Grande ang kauna-unahan niyang Grammy award para sa BEst Pop Vocal Album.

Itinanghal na Best Pop Vocal Album ang kaniyang studio album na “Sweetener” at ito ang unang Grammy ni Ariana sa kaniyang career.

Anim na beses na nang nagkaroon ng Grammy nomination si Ariana at ito ang unang pagkakataon na siya ay nanalo.

Gayunman, hindi nakadalo si Ariana sa seremonya.

Sa kaniyang post sa Instagram, sinabi ni Ariana na sinubukan niya talagang makadalo sa event.

Pinasalamatan din ni Ariana ang lahat ng nasa likod ng kaniyang album.