Amihan patuloy na nakakaapekto sa Luzon

By Rhommel Balasbas February 11, 2019 - 05:53 AM SHARE(S):

Walang namamataang sama ng panahon ang PAGASA na makakaapekto sa bansa sa susunod na dalawa hanggang tatlong araw.

Ayon sa 4am weather update ng ahensya, hanging Amihan pa rin ang umiiral na weather system sa bansa partikular sa Luzon.

Ngayong araw, dahil sa Amihan ay makararanas ng maulap na kalangitan na may mahihinang pag-ulan sa Cagayan, Isabela, Aurora at Quezon.

Sa Metro Manila at nalalabing bahagi naman ng Luzon ay maalinsangan ang panahon na may posibilidad ng pulo-pulong mahihinang pag-ulan.

Sa Visayas at Mindanao naman, maalinsangan ang panahon ngunit may posibilidad ng pag-ulan, pagkulog at pagkidlat dulot ng localized thunderstorms.

Magandang balita para mga mangingisda dahil walang nakataas na gale warning sa mga baybaying dagat ng bansa kaya’t ligtas ang paglalayag.

TAGS: 4am weather update, amihan, Northeast monsoon, PAGASA DOST, 4am weather update, amihan, Northeast monsoon, PAGASA DOST

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.