Planong reclamation activities sa Manila Bay ikinabahala ni VP Robredo

By Rhommel Balasbas February 10, 2019 - 05:22 AM

Nagpahayag ng pagkabahala si Vice President Leni Robredo sa mga ulat tungkol sa planong reclamation sa ilang bahagi ng Manila Bay.

Sa isang interview sa Naga City sinabi ng bise presidente na dapat pag-aralan muna nang maayos ang pangmatagalang epekto ng reclamation hindi lamang sa kalikasan kundi maging sa buong Metro Manila.

Iginiit ni Robredo na sobrang siksikan na ang tao sa Metro Manila at dapat umanong masuri muna kung makabubuti ba ang reclamation sa Manila Bay.

Suportado naman ng bise presidente ang rehabilitasyon ng dagat dahil nagpapakita umano ito ng political will.

Gayunman, dapat din anyang makita kung ano ang pangmatagalang tulong ng rehabilitasyon ng Manila Bay sa mga taong naninirahan malapit dito.

Dapat umanong mabigyang prayoridad ang mga taong maapektuhan ng rehabilitasyon.

Kabilang sa plano ng Department of Environment and Natural Resources (DENR) ang relokasyon ng libu-libong residente na nakatira sa baybayin ng Manila Bay.

TAGS: Manila Bay, Manila bay reclamation, Manila Bay Rehabilitation, Robredo on Manila bay reclamation, Vice President Leni Robredo, Manila Bay, Manila bay reclamation, Manila Bay Rehabilitation, Robredo on Manila bay reclamation, Vice President Leni Robredo

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Subscribe to our daily newsletter

By providing an email address. I agree to the Terms of Use and
acknowledge that I have read the Privacy Policy.