PAGASA: Walang sama ng panahon sa bansa sa susunod na 2-3 araw
Walang sama ng panahon ang nakikitang mamumuo sa bansa sa susunod na dalawa hanggang tatlong araw.
Ayon sa 4am weather update ng PAGASA, northeast monsoon o Amihan lamang ang umiiral sa bansa partikular sa extreme northern Luzon.
Ngayong araw, dahil sa Amihan makararanas ng bahagyang maulap hanggang sa maulap na kalangitan na may pulo-pulong mahihinang pag-ulan sa Batanes at Babuyan Group of Islands.
Sa Metro Manila naman at nalalabing bahagi ng Luzon, maliban sa Palawan ay maaliwalas ang panahon at mababa ang tyansa ng pag-ulan.
Sa Palawan, Visayas at Mindanao ay maalisangan din naman ang panahon ngunit may posibilidad ng mga pulo-pulong pag-ulan, pagkulot at pagkidlat dulot ng localized thunderstorms.
Magandang balita naman sa mga mangingisda dahil walang nakataas na gale warning sa mga baybaying dagat ng bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.