Azkals bumaba ang pwesto sa world rankings

Bumaba ang pwesto ng Philippine Azkals sa world rankings matapos ang kanilang kampanya sa AFC Asian Cup tournament.

Mula sa pang-116 ay naging pang-123 na ang national football team batay sa pinakabagong FIFA World Football Rankings.

Matatandaang kulelat ang Azkals sa Group C ng Asian Cup matapos matalo sa South Korea, China at Kyrgyzstan.

Noong January 16 nalaglag sa torneo ang Azkals matapos matalo sa Kyrgyzstan sa iskor na 3-1.

Sa Southeast Asian rankings naman, pangatlo na ang Pilipinas kung saan nangunguna ang Vietnam at Thailand.