Natanggap na ng Commission on Elections (Comelec) ang unang certificate of canvass (COC) para sa ikalawang bahagi ng Bangsamoro Organic Law (BOL) plebiscite na ginawa noong Feb. 6.
Ayon kay Administrative Aide IV Jaime Salonga ng Reception and Custody group, dumating ang COC na naglalaman ng resulta ng plebisito alas 3:37 ng hapon ng Biyernes, Feb. 8.
Sinabi ni Salonga na ang unang batch ng COCs ay galing sa Tulunan at Carmen sa lalawigan ng north Cotabato.
Magugunitang itinakda na lang sa Lunes, Feb. 11 ng National Plebiscite Board of Canvassers (NPBC) ang kanilang pag-convene para sa gagawaing canvassing.
Ito ay matapos lumipas ang maghapon kahapon (Feb. 7) na wala silang natatanggap na COCs.
READ NEXT
Publiko hinimok ng NCRPO na makipagtulungan sa mahigpit na seguridad na ipinatutupad sa MRT at LRT
MOST READ
LATEST STORIES