MRT-3 nakatanggap ng bomb threat kaya naghigpit sa seguridad
Kinumpirma ng pamunuan ng Metro Rail Transit – 3 na may natanggap silang bomb threat bago pa man ang pagpapasabog na naganap sa Jolo, Sulu.
Ito ang dahilan kaya nagpatupad ng mas mahigpit na seguridad sa MRT-3 kabilang na ang pagbabawal sa mga liquid items.
Ayon sa pahayag ng MRT-3 ang bomb threat ay ipinadala sa pamamagitan ng e-mail at natanggap nila noong January 3.
Agad umanong ipinagbigay-alam ito sa mga otoridad at sa ngayon, inaalam na ng PNP-CIDG ang pinagmulan ng e-mail.
Ayon sa MRT-3 ayaw nilang ma-kompromiso ang seguridad ng mga pasahero kaya kailangang maghigpit sa seguridad.
Sinabi naman ng MRT-3 na aalisin din nila ang ban sa liquid items sa sandaling irekomenda ng Philippine National Police.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.