Lalaking nasa drug watchlist, arestado sa Pasay City
Timbog ang isang lalaking kabilang sa drug watchlist sa buy bust operation na ikinasa ng pulisya sa Brgy. 113, Pasay City.
Nakilala ang suspek na si Albert Todoc, 35 anyos at residente ng lugar.
Ayon sa Pasay Police, nakatanggap sila ng tawag mula sa isang concerned citizen na mayroong bentahan ng droga sa Brgy. 113 kaya’t agad silang nagkasa ng operasyon.
Dito na nahuli si Todoc at nakuha mula sa kanya ang isang plastic sachet ng hinihinalang shabu.
Hawak ngayon ng Station Drug Enforcement Team (SDET) ng Pasay Police ang suspek.
Mahaharap ito sa kasong paglabag sa RA 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.