Patay ang apat na katao habang limang iba pa ang sugatan sa pamamaril sa Carissa Homes East 1 sa Barangay Bagumbayan sa Teresa, Rizal Huwebes ng gabi.
Ayon sa Teresa Municipal Police Station, ang mga nasawi ay sina Ruben Francisco, Wilfredo Lukban, Celso Bernales at isa pang tricycle driver.
Sinabi ng pulisya na dead on the spot ang 3 biktima.
Kabilang naman ang 2 pulis sa mga nasugatan na kapwa rumesponde sa insidente.
Dakong alas 6:00 ng gabi nang barilin ng suspek na si John Albert Araojo ang tatlong nasawi.
Pagdating ng otoridad sa lugar ay pinagbabaril din sila ng suspek na ikinasugat nina PO3 Nemillano Pantaleon at PO1 Eleuterio Mina.
Nasugatan din ang 2 pang tricycle driver at 2 bystander.
Ayon sa pulisya, matapos ang pamamaril ay tumakas si Araojo sakay ng motorsiklo papunta sa direksyon ng Morong.
Patuloy ang pagtugis ng otoridad sa suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.