Filipino nurse sa Dubai nanalo ng P1.4M na papremyo sa Dubai Shopping Festival

By Dona Dominguez-Cargullo February 07, 2019 - 12:56 PM

Raffle wheel sa Dubai Shopping Festival | IG Photo @dsfsocial

Isang Filipino nurse ang maswerteng nanalo ng Dh100,000 o katumbas ng P1.4 million na papremyo mula sa isang mall sa kasagsagan ng pagdiriwang ng Dubai Shopping Festival (DSF).

Sa ulat ng Gulf News, nagwagi si Angela Mortos, isang Pinay nurse na naka-base sa Dubai.

Nakasali si Mortos sa contest na Million Dirham Wheel ng City Center Mirdif matapos siyang gumasta ng Dh2,000 (P28,000) na halaga sa kaniyang pamimili.

Pinaikot ni Mortos ang raffle wheel kung saan nakasulat ang halaga ng kaniyang mga mapapanalunan.

Ayon kay Mortos, paglalaanan niya ng kaniyang napanalunan ang pag-aayos ng libingan ng kaniyang magulang na pumanaw 10 taon na ang nakararaan.

Gusto rin ni Mortos na balatuhan ang janitor na nakatalaga sa gusali na kaniyang tinutuluyan sa Dubai dahil sa pagiging mabait nito.

TAGS: City Center Mirdif, dubai, Filipino nurse, Million Dirham Wheel, City Center Mirdif, dubai, Filipino nurse, Million Dirham Wheel

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.