Notoryus sa pagnanakaw sa mga laundry shop, gasolinahan, spa, at iba pang establisyimento sa Maynila at San Juan arestado
Arestado ang dalawang katao na notoryus sa panloloob sa mga establisyimento sa San Juan at sa Maynila.
Nadakip ng mga tauhan ng San Juan City Police Station ang mga suspek na sina Ronel Guererro, 25 anyos at residente ng Rodriguez, Rizal at si Gervy Magno, 37 anyos residente naman ng San Juan.
Ayon kay SPO4 Eduardo Fronda ng San Juan police, ang dalawa ay notoryus sa serye ng robbery holdup na tumatarget sa mga laundry shop, gasolinahan, spa, Baliwag Lechon at iba pang restaurants.
Maliban sa Maynila at San Juan ay tinatarget din ng mga suspek ang mga establisyimento sa Pasig, Quezon City at iba pang kalapit na lugar.
Nadakip ang dalawa sa follow up operation sa Pureza, Sta. Mesa sa Maynila matapos nilang biktimahin ang isang security guard at tangayan ito ng hand gun.
Nakuha sa kanila ang .38 caliber revolver, isang motorsiklo, at isang laptop.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.