Lalaki arestado sa pananaksak sa kapwa tindero sa Malabon
Arestado ang isang lalaki matapos saksakin ang kapwa tindero ng isda sa Malabon City Miyerkules ng gabi.
Ayon sa ulat ng pulisya, nakilala ang suspek na si Feliper Rarogal, residente ng Montalban, Rizal.
Ang krimen ay nag-ugat umano sa selos kung saan kinompronta ni Rarogal ang biktimang si Baltazar Amoradie.
Ang komprontasyon ay nauwi sa suntukan ngunit mayroon palang kutsilyo ang suspek at dito na niya pinagsasaksak ang biktima.
Nagtamo ng mga saksak sa iba’t ibang bahagi ng katawan si Amoradie at isinugod agad ito sa Tondo Medical Center.
Nakuha mula sa kanya ang kutsilyong ginamit sa pananaksak.
Sa ngayon ay hawak ng pulisya ang suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.