PNP: Pagsabog sa Lanao del Norte, pananakot lamang sa BOL plebiscite
Inihayag ni Philippine National Police (PNP) chief Director General Oscar Albayalde na maaaring nais lamang may manakot sa ikalawang plebisito ng Bangasamoro Organic Law (BOL).
Ito ang naging pahayag ni Albayalde sa naganap na tatlong pagsabog sa Lanao del Norte.
Magkakahiwalay na pagsabog ang naganap sa bisperas ng plebisito partikular sa mga bayan ng Dimaporo, Lala at Kauswagan.
Ayon sa opisyal, sinabi ng Provincial Police Director na wala pang nakikilalang suspek sa mga pagsabog.
Ngunit dalawang persons of interest na ang kanilang binabantayan.
Sa ngayon, sinabi ng PNP chief na patuloy pa rin ang isinasagawang imbestigasyon sa mga pagsabog.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.