Sneakers libre na ring ipinamamahagi sa mga estudyante sa Makati

Nagsimula nang magpamahagi ng libreng sneakers sa mga mag-aaral sa Makati City.

Personal na ipinamiigay ni Makati City Mayor Abby Binay ang AB2.0 sneakers sa mga estudyante sa Francisco Benitez Elementary School (Main), Maximo Estrella Elementary School, Jose Magsaysay Elementary School, Nicanor Garcia Elementary School at Makati Elementary School.

Halos 6,000 mag-aaral ang nakatanggap ng bagong rubber shoes.

Sa mga susunod na araw, magpapamigay din ng libreng sneakers sa mga mag-aaral sa iba pang paaralan sa lungsod.