Naipadalang mensahe sa FB messenger pwede nang burahin

May bagong feature sa Facebook Messenger.

Sa ilalim ng bagong feature, ang Messenger users ay mayroong 10-minuto matapos maipadala ang mensahe para ito ay i-undo.

Sa sandaling magawa ang pag-undo ng mensahe, may maiiwang note na magsasabing ang mensahe ay inalis.

Ginawa ito ng Facebook dahil may mga pagkakataon na maling naipapadala ang mensahe sa hindi tamang group chat o indibidwal, gayundin ang maling pag-type ng mensahe.

Dati-rati, bagaman nade-delete ang mensahe sa messengers, nabubura lamang ito para sa nagpadala subalit nababasa pa rin ng pinadalhan.

Sa bagong dagdag na feature mayroon ng option na “Remove for Everyone”.