Pabrika ng goma sa Quezon City, nasunog

(UPDATE) Tinupok ng apoy ang isang pagawaan ng goma sa Barangay Baesa sa Quezon City.

Nasunog ang NSR Rubber Corporation sa bahagi ng Mendez St.

Ang mga goma na ginagawa sa nasabing pabrika ay ginagamit sa paggawa ng tsinelas.

Ayon sa Quezon City Fire Department, nagsimula ang sunog pasado alas 5:00 ng umaga na agad itinaas sa ikatlong alarma.

Ito na rin ang ikatlong beses na sumiklab ang apoy sa nasabing pabrika.

Alas 6:22 ng umaga nang ideklarang under control na ang sunog.