Mayor ng Pantar Lanao del Norte, 8 iba pa nahulihan ng mga baril sa Iligan City

Arestado ang Mayor ng Pantar, Lanao del Norte matapos itong makuhanan ng mga baril sa Iligan City.

Nakuha kay Mayor Jabar Tago at walong iba pa ang mga baril sa checkpoint sa Barangay Tomas Cabili.

Narekober sa alkalde at mga kasama nito ang M16, MP5, 9mm pistol at hindi lisensyadong .45 pistol.

Ang pag-aresto sa alkalde ay sa gitna ng umiiral na gun ban kasabay ng election period mula January 13 hanggang June 12.

Sa naturang panahon ay bawal ang pagdadala ng baril, pampasabog o anumang nakakamatay na armas.

Ayon sa Commission on Elections (Comelec), ang paglabag sa gun ban ay isang election offense.