Naganap ang pagsabog sa bayan ng Sultan Naga Dimaporo alas-10:10 ngayong gabi.
Sa impomasyon mula sa Join Task Force Plebisito, ito na ang ikatlong pagsabog sa bisperas ng plebisito para sa Bangsamoro Organic Law.
Ang unang pagsabog ay naganap alas-5:45 ng hapon sa harap ng isang gasolinahan sa bayan ng Lala.
Sinundan ito ng isa pang pagsabog sa likod ng municipall hall ng Kauswagan bandang alas-4:50.
Patuloy na iniimbestigahan ng mga awtoridad kung sino ang nasa likod ng mga pag-atake.
Maswerte namang walang nasaktan sa mga pagsabog na ito.
Hinikayat ng pinuno ng Joint Task Force ZamPeLan na si Maj. Gen. Roseller Murillo na bumoto pa rin ang mga tao sa plebisito dahil titiyakin ng militar at pulisya ang kanilang seguridad.