Pagsabog naganap sa Kauswagan, Lanao del Norte
Isang pagsabog ang naganap sa Kauswagan, Lanao del Norte Martes ng hapon.
Sa inilabas na pahayag, sinabi ni 2nd Mechanized Brigade commander Brig. Gen. Thomas Sedano Jr. na nagkaroon ng pagsabog sa ilalim ng nakaparadang trak sa likod ng munisipyo sa lugar dakong 4:50 ng hapon.
Ayon kay Sedano, agad na-control ng mga otoridad ang sitwasyon sa lugar.
Wala ring napaulat na nasawi sa naturang pagsabog.
Patuloy din ang isinasagawang imbestigasyon ng Explosive Ordnance Division ng Philippine National Police (PNP-EOD) ukol sa insidente.
Sa kabila nito, hinikayat ang publiko ni 1st Infantry Division at Joint Task Force Zampelan commander Maj. Gen. Roseller Murillo na huwag mag-panic at makiisa sa pagboto sa Bangsamoro Organic Law (BOL) plebiscite.
Tiniyak nito na nakahanda ang Tabak troopers at PNP para sa anumang problema sa kasagsagan ng plebisito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.