Magkakahiwalay na pagyanig naitala sa 4 na lalawigan
Niyanig ng lindol ang apat na lalawigan Linggo ng gabi batay sa earthquake bulletin ng Phivolcs.
Alas-10:51 ng maitala ang magnitude 3.5 na lindol sa 28 kilometro Timog-Silangan ng Sabtang, Batanes.
May lalim itong 25 kilometro.
Magnitude 4.0 naman ang lakas ng lindol na tumama sa 37 kilometro Hilagang-Silangan ng Gigmoto, Catanduanes ganap na alas-11:37.
May lalim naman itong 39 kilometro.
Alas-11:48 naman nang maitala ang magnitude 3.4 na lindol sa 11 kilometro Hilagang-Kanluran ng Burdeos, Quezon.
May lalim itong apat na kilometro.
Makalipas ang limang minuto o alas-11:53 ay tumama ang magnitude 3.2 na lindol sa 37 kilometro Timog-Kanluran ng Governor Generoso, Davao Oriental.
May lalim naman itong 24 kilometro.
Tectonic ang dahilan ng mga lindol at hindi naman nagdulot ng pinsala sa mga ari-arian.
Ayon pa sa Phivolcs, hindi rin inaasahan ang mga kasunod pang pagyanig o aftershocks.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.