Eroplano ng Turkish Air, binulabog ng bomb threat

 

Na-divert ang biyahe ng Turkish Airlines matapos makatanggap ng bomb threat.

Nabatid na galing ng John F. Kennedy international airport sa New York at patungo sana ng Istanbul ang eroplano nang makatanggap ng bomb threat.

Dahil dito, na-divert ito patungong Halifax Stanfield International airport sa Canada.

Ligtas naman na nakapag-landing ang eroplano at na-itransfer sa ibang eroplano ang 256 na pasahero.

Noong nakaraang Martes, isang Air France flight 55 mula naman sa Dulles international airport ang na-divert din sa Halifax, matapos makatanggap din ng isang bomb threat na nagnegatibo.