BIR naglabas ng pinasimpleng ITR form para sa mga self-employed

By Len Montaño February 02, 2019 - 02:26 AM

Habang papalapit ng paghahain ng income tax return (ITR), naglabas ang Bureau of Internal Revenue (BIR) ng mas simpleng form para sa mga self-employed at professional.

Ang bagong ITR form, na ngayon ay 2 pahina na lamang mula sa 12 pahina, ay pwede na ring i-file online.

Layon ng hakbang ng BIR na mabawasan ang hirap ng self-employed at professional at mayroong freelance work sa paghahain ng ITR.

Ito ay nakapaloob sa Revenue Memorandum Circular No. 17-2019 kung saan nakasaad ang bagong BIR Form No. 1701A o ang Annual Income Tax Return for Individuals Earning Purely from Business/Profession.

Ang indibidwal na may kitang P3 milyon o mas mababa ay kailangan lamang mag fill out ng 2-pahinang form habang 4-pahina para sa may kitang mahigit P3 milyon kada taon.

Dagdag ng BIR, pwede ang online filing ng bagong ITR form kung wala ng payables o dapat pang bayaran sa ahensya.

Ang paghahain ng ITR ay sa mismong araw o bago ang April 15, 2019.

TAGS: BIR, freelance work, income tax return, itr, ITR filing, professional, self-employed, BIR, freelance work, income tax return, itr, ITR filing, professional, self-employed

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.