Dating Bgy. Kagawad, kritikal sa ambush sa Subic
Kritikal ang kundisyon ng isang dating barangay kagawad matapos itong tambangan sa Subic, Zambales.
Ayon sa pulisya, nagmamaneho ng tricycle si Bernard Madamba, 46 anyos ng Barangay Wawandue nang harangan ito ng mga suspek na sakay ng asul na Toyota Innova at pagbabarilin sa Sitio Cabanggaan, Barangay Cawag.
Nagtamo si Madamba ng tama ng bala ng baril sa ulo at dinala sa Baypointe Hospital sa Subic Bay Freeport.
Sinabi ni Chief Insp. Jude Bryan Maguddayao, acting commander ng Subic municipal police station na agad tumakas ang mga suspek.
Patuloy na iniimbestigahan ang motibo sa pamamaril kay Madamba.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.