Listahan ng pangalan ng jaywalkers isusumite na ng MMDA sa NBI
Isusumite ng Metropolitan Manila Development Authority (MMDA) sa National Bureau of Investigation (NBI) ang listahan ng pangalan ng mga jaywalkers na mabibigong magbayad ng penalties at makapagsagawa ng community service.
Ito ay upang maisama ang nasabing mga pangalan sa alarm list ng NBI.
Ayon kay MMDA General Manager Jojo Garcia, kasunod ito ng pag-deputize ng Metro Manila Mayors sa MMDA para ipatupad ang anti-jaywalking ordinances sa 17 lokal na pamahalaan sa buong NCR.
Sinabi ni Garcia na lahat ng lungsod at ang isang munisipalidad sa Metro Manila ay may anti-jaywalking ordinances.
Kung ang mahuhuling jaywalker aniya ay hindi papansinin ang tiket na inisyu sa kaniya, maari itong masampahan ng kasong paglabag sa local ordinance at ang pangalan ay niya ay isusumite na sa NBI.
sa ngayon ang multa sa paglabag sa anti-jaywalking ay P500.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.