60 arestado sa Pasay anti-criminality campaign sa Pasay City

Inaresto sa ikinasang anti-criminality campaign sa iba’t ibang bahagi ng Pasay City ang 60 katao.

Sa 60 nadakip, 30 sa kanila ay sangkot sa illegal na droga.

Ayon sa Pasay City Police station, 19 ang naaktuhan sa kasagsagan ng drug session sa loob ng isang bahay.

Maliban sa mga sachet ng hinihinalang shabu ay may nakuha sa naturang bahay na 2 baril, mga bala, 2 granada at mga drug paraphernalia.

Mayroon namang 24 na nahuling umiinom sa pampublikong lugar, at dalawa ang hinuli dahil sa pagsusugal.