Lalaking umakyat sa building sa Makati nakalaya matapos magpiyansa

Nakalaya ang tinaguriang 56-anyos na French ‘spiderman’ na si Alain Robert matapos magpiyansa.

Matatandaang noong Martes, inakyat ni Robert ang GT Tower sa Ayala Avenue sa lungsod ng Makati.

Inaresto si Robert dahil nagdulot ng tensyon ang kanyang ginawa at nahaharap ngayon sa mga reklamong alarm and scandal at trespassing.

Ayon kay Makati police chief Sr. Supt. Rogelio Simon, Miyerkules ng gabi nang makalaya ang urban climber makaraang magpiyansa ng P3,000.

Nakatakda namang sumailalim si Robert sa arraignment at pre-trial bukas ng umaga (Feb 1).

Sikat si Robert dahil sa pag-akyat nito sa matataaas na skycrapers sa iba’t ibang bansa at naaresto na rin noong nakaraang taon sa London sa pag-akyat sa Heron Tower.