Bangkay natagpuan sa loob ng drainage pipe sa QC

Isang bangkay ang natagpuan na nakasilid sa itim na garbage bag at ipinasok pa sa konkretong drainage pipe sa Novaliches, Quezon City.

Napansin ng mga residente sa lugar na mayroong patak ng dugo ang isa sa mga drainage pipe na nakahelera sa lugar sa bahagi ng Interville 3 sa Brgy. San Agustin dakong alas 6:00 ng umaga.

Nang silipin, ay nakita ang kulay itim na garbage bag sa loob ng pipe na ang laman ay hugis tao.

Kita rin ang bakas ng dugo sa garbage bag.

Patuloy ang imbestigasyon ng mga otoridad sa insidente.