WATCH: Tinaguriang ‘French Spiderman’ na si Alain Robert, umakyat sa gusali sa Makati, nagdulot ng tensyon sa lugar
Nagdulot ng tensyon sa mga tao sa palibot ng GT Tower sa Makati City, ang pag-akyat ng isang lalaki sa naturang gusali.
Sa mga video na ibinahagi sa social media makikita ang lalaki na nakasuot ng itim na pang-itaas at dilaw na pants na mabilis na inaakyat ang 45 palapag na GT Tower.
Inakala ng mga nagtatrabaho sa lugar na ang isa iyong insidente ng suicide o magtatangkang tumalon sa gusali ang lalaki.
Pero ang naturang lalaki pala na umakyat sa gusali, ay ang tinaguriang “French Spider-Man” na si Alain Robert.
Si Robert ay isang freeclimber at wala itong ginagamit na climbing equipment sa kaniyang pag-akyat sa gusali.
Maraming gusali na rin sa iba’t ibang lugar sa mundo ang naakyat ni Robert.
Sa pagtaya ng mga nagtatrabaho malapit sa GT Tower na nag-video ng pag-akyat ni Robert, umabot ng 30-minuto ang kaniyang pag-akyat mula sa ibaba hanggang sa tuktok ng gusali.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.