Pepe Smith pumanaw na sa edad na 71

Pumanaw na sa edad na 71 ang OPM Rock Legend na si Joseph William Feliciano Smith o mas kilala bilang Pepe Smith.

Dagsa ngayon sa social media ang pakikiramay at paghihinagpis sa pagpanaw ni Smith.

Marami rin ang nagpost ng pasasalamat sa kaniyang ambag sa larangan ng musika kabilang na ang MYX Philippines.

Ang sa kaniyang mga anak na si Sanya Smith, nag-post sa instagram ng larawan nilang mag-ama na walang caption maliban sa icon na “puso” at “ulap”.

Kabilang sa mga pinasikat na kanta ni Pepe Smith bilang bahagi ng Juan dela Cruz band ang “Balong Malalim, “Himig Natin” at “Beep Beep”.