Pag-ratipika sa BOL, nagbigay ng bagong pag-asa sa mga taga-Mindanao – Palasyo

Naniniwala ang Palasyo ng Malakanyang na nagbigay ng bagong pag-asa sa mga taga-Mindanao region ang pagkakaratipika ng Bangsamoro Organic Law (BOL).

Ayon kay Presidential spokesman Salvador Panelo, ang ratipikasyon ng BOL ay boses ng mga Moro na panahon na para tuldukan ang kaguluhan at kahirapan.

Sa ngayon, sinabi ni Panelo na wala pang naitatalaga si Pangulong Rodrigo Duterte na bubuo sa 80-member na Bangsamoro Transition Authority.

Hinihikayat din ng palasyo ang mga taga Mindanao na suportahan ang mga tatayong lider ng Bangsamoro region para tuluyan nang makamit ang inaaasam na pagbabago.