Central Luzon at Calabarzon, bahagi ng paglilinis ng Manila Bay

Inihayag ng Department of Environment and Natural Resources (DENR) na magkakaroon din ng paglilinis sa Central Luzon at Calabarzon bilang bahagi ng rehabilitasyon ng Manila Bay.

Ayon kay DENR Undersecretary Benny Antiporda, magkakaroon din ng clean up efforts sa Pampanga, Nueva Ecija at Bataan sa Region III at sa Cavite sa Region IV-A.

Simultaneous anya ang paglilinis sa naturang mga lugar kasabay ng Manila Bay clean up.

Tiniyak ng DENR na kasado na ang plano kasama ang Metropolitan Manila Development Authority (MMDA) at ibang ahensya.

Dagdag ni Antiporda, maski ang Armed Forces of the Philippines (AFP) ay nagpahayag ng suporta sa paglilinis ng Manila Bay.

Samantala, ang mga condominium, hotel, restaurant at shopping center na nagtatapon ng wastewater sa Manila Bay ay bibigyan ng notice of violations.

Sa pag-aaral anya ng Laguna Lake Development Authority, 4 hanggang 5 establisyimento ang pangunahing dahilan ng polusyon sa Manila Bay.

TAGS: calabarzon, Central Luzon, DENR, Manila Bay, Manila Bay clean-up, Manila Bay clean-up drive, Manila Bay Rehabilitation, calabarzon, Central Luzon, DENR, Manila Bay, Manila Bay clean-up, Manila Bay clean-up drive, Manila Bay Rehabilitation