Babae, pinagbabaril sa loob ng minanehong sasakyan sa QC

By Jong Manlapaz January 25, 2019 - 11:37 PM

(Updated as of 1:40am) Patay ang isang babae makaraang pagbabarilin sa loob mismo ng kanyang minanehong sasakyan.

Naganap ang krimen sa bahagi ng Mindanao Avenue corner Tandang Sora sa Quezon City, Biyernes ng gabi (January 25).

Batay sa mga suot na ID ay kinilala ang biktima na si Consuelo Soliveres Go, 50 anyos, residente ng Caloocan.

Ang sasakyan ng biktima ay kulay orange at may plakang WOB-440.

Ayon kay Talipapa Police Station Commander PSupt. Alex de Jesus Alberto, dinikitan ng riding in tandem ang sasakyan ni Go habang binabagtas ang Mindanao Avenue.

Dito na siya walang awang pinagbabaril hanggang sa bawian ng buhay.

Blangko pa rin ang pulisya sa motibo ng pamamaslang.

 

 

TAGS: riding in tandem, riding in tandem

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.