Hindi benta sa Department of Health (DOH) na gawing alternatibo sa sigarilyo ang ‘vape’ o ang paggamit ng electronic cigarette.
Sinabi ni Health Usec. Eric Domingo may nicotine din ang vape kayat nakaka-adik din ito tulad ng sigarilyo.
Aniya ang kanilang ikinababahala ay ang mga nagbi-vape ay maaadik sa nicotine at lilipat din sila sa sigarilyo.
Pinapaburan ng DOH ang pagtaas ng excise tax sa mga produktong-tabako at alak.
Nais din ng kagawaran na magkaroon ng regulasyon sa paggamit ng e-cigarette.
Pagdidiin ni Domingo kailangan ay magkaroon ng pamantayan sa mga tinatawag na ‘juice’ maging sa mismong e-cigar para sa mga kaligtasan ng mga gumagamit.
Mahalaga aniya din ito ayon kay Domingo dahil ikinakatuwiran na ang ‘vape’ ay alternatibo para sa mga tumitigil na sa paninigarilyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.