Nag-iisang mananaya napanalunan ang mahigit P63M na jackpot prize sa Mega Lotto

Napanalunan ng nag-iisang lotto bettor ang jackpot prize na mahigit P63 million sa Megalotto 6/45.

Sa isinagawang draw kagabi ng Philippine Charity Sweepstakes Office (PCSO), nakuha ng isang mananaya ang winning number combination na 19 01 25 43 18 39.

Kabuuang P63,810,688 ang napanalunan ng bettor na tumaya sa Gaisano Grand Mall, Sitio Nasipit, Brgy. Talamban, Cebu City

Mayroon namang 20 nakakuha ng 5 number combination at mag-uuwi ng P50,000.

Samantala, wala namang nanalo pa sa mahigit P29 million na jackpot prize sa Grand Lotto.