Mga magulang ng mga batang nahuli sa Navotas drug raid kakasuhan
Kakasuhan na ng Philippine Drug Enforcement Agency o PDEA ang mga magulang ng labing dalawang menor de edad ba nasagip sa isinagawang buy-bust operation sa ilang drug dens sa Navotas City kamakailan.
Labing anim ang arestado sa operasyon, habang ang mga batang na-rescue ay may edad apat hanggang labing limang taong gulang, at ginagamit daw bilang drug runners, pushers, o drug den maintainers, at ang iba ay sumali pa sa pot sessions o gumagamit ng droga.
Ayon kay PDEA Director General Aaron Aquino, ang mga magulang ng mga bata ay mahaharap sa paglabag sa Republic Act 7610 o Special Protection of Children Against Abuse, Exploitation and Discrimination Act.
Giit ni Aquino, ang “child neglect” ay isang simpleng uri ng pang-aabuso.
Ang mga magulang o guardians ay kailangang pagpaliwanagin kung bakit hindi nila naprotektahan ang mga bata laban sa pang-aabuso, eksploytasyon at diskriminasyon, at pinaka-malala ay kung mismong ang mga bata ang nasasangkot sa mga nabanggit na aksyon.
Paalala ni Aquino, ang mga bata ay dapat na nasa kani-kanilang tahanan at hindi sa lansangan at inaalagaan ng mga magulang.
Kapag napatunayan na ang magulang ay nagpabaya o pinuwersa na masnagkot ang kanilang anak sa illegal drug trafficking, may katapat itong parusa na “prision mayor” o hindi bababa sa anim na taon at isang araw hanggang walong taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.