Sarangani , Davao Occidental niyanig ng dalawang malakas na lindol

Nakapagtala ng dalawang pagyanig sa Sarangani sa Davao Occidental ngayong umaga.

Unang naitala ang magnitude 5.1 na lindol sa 249 kilometers Southeast ng bayan ng Sarangani sa lalawigan ng Davao Occidental.

Ayon sa Phivolcs, naitala ang malakas na pagyanig 12:47 Martes (January 22) ng madaling araw, may lalim na 35 kilometers at tectonic ang origin nito.

Samantala, naitala naman ang magnitude 4.1 na lindol sa 267 kilometers Southeast ng bayan din ng Sarangani sa Davao Occidental, 1:37 Martes ng umaga.

May lalim naman na 33 kilometers ang pagyanig at tectonic ang origin.

Wala namang naitalang pagkasira ng mga ari-arian, intensities at aftershocks.