Malacañan: Andal posibleng puyat kaya inakalang inutusan na magsagawa ng back channel talks sa CPP

Maaring puyat o inaantok lamang si MTRCB Board member Billy Andal kung kaya inakala nitong inutusan siya ni Pangulong Rodrigo Duterte na magsagawa ng back channel talks kay Communist Party of the Philippines Founding Chairman Jose Maria Sison.

Ayon kay Presidential Spokesman Salvador Panelo, kailanman ay hindi binigyan ng awtorisasyon ni Pangulong Duterte si Andal na makipag-usap kay Sison.

Hindi naman matukoy ni Panelo kung totoo ang nagging pahayag ni Andal na ginawa ng pangulo ang utos sa kanya na makipag-usap kay Sison sa isang lamay.

Ayon kay Panelo, base sa ginanap na AFP-PNP joint command conference sa Malacañang, localized peace talks ang paiiralin ng administrasyon sa rebeldeng grupo.