Aplikasyon ng Pilipinas na pagtatayo ng embahada sa Sri Lanka mamadalin

Tiniyak ni Sri Lankan President Maithripala Sirisena na mamadaliin ng kanyang administrasyon ang pagpapatayo ng Embahada ng Pilipinas sa kanilang bansa.

Sa expanded baliteral meeting kagabi nina Sirisena at Pangulong Rodrigo Duterte sa Malakanyang, sinabi ng lider ng Sri Lanka na highly instrumental ang pagkakaroon ng embahada ng Pilipinas sa Sri Lanka.

Maraming Filipino kasi aniya ang nakabase sa Sri Lanka.

Kasabay nito, inimbitahan ni Sirisena si Pangulong Duterte at Honeylet Avancena na bumisita sa Sri Lanka.

Ayon kay Sirisena, makasaysayan ang magiging pagbisita ni Duterte sa Sri Lanka kung saka sakali dahil ito ang unang state visit ng isang lider ng Pilipinas.