Pag-aresto sa mga menor de edad sa Navotas, binatikos ni Bp. David

By Rhommel Balasbas January 17, 2019 - 04:12 AM

Nagpahayag ng kalungkutan si Catholic Bishops’ Conference of the Philippines (CBCP) Vice President at Kalookan Bishop Pablo Virgilio David sa pagdakip sa ilang mga menor de edad sa Navotas araw ng Miyerkules.

Dalawampu’t walo katao ang naaresto sa naturang operasyon ng Philippine Drug Enforcement Agency (PDEA) kung saan 12 ay kabataan.

Ayon kay Bishop David, hindi dapat ituring na kriminal ang mga bata kahit pa nahuli ang mga itong drug runners.

Dapat anya ay ituring ang mga bata bilang mga biktima na dapat ay iligtas mula sa mga mapansamantala at gumagamit sa kanila sa mga krimen.

Samantala, sinabi ni PDEA spokesperson Derrick Carreon na sasailalim sa rehabilitasyon ang mga batang nasagip.

Mayroon anyang ilulunsad ang ahensya sa Pebrero na programang tatawaging ‘Sagip Bata Solvent’.

Isasakatuparan ang programa sa tulong ng social welfare workers, Department of Education (DepEd) at ng Technical Education and Skills Development Authority.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.