Ikinasal na ang Kapamilya singer na si Moira Dela Torre at Jason Marvin Hernandez.
Isinagawa ang kanilang outdoor wedding ceremony sa Tagaytay City, Cavite araw ng Lunes (January 14, 2019).
Sa Instagram account, ibinahagi ng kanilang official photographer ang ilang larawan kung saan makikitang masayang idinaos ang kasal.
Ang “Tagpuan” hit song ni Moira ang nagsilbing wedding anthem ng kanilang kasal.
Parehong nag-alay ng awitin ang dalawang musikero sa kanilang espesyal na araw.
Kumanta naman sa bridal march o entourage ang Pinoy band na Ben & Ben.
Spotted din ang iba pang celebrities na dumalo sa kasal kabilang sina Paolo at Gab Valenciano, Sam Milby, John Prats, Ogie Alcasid, Regine Velasquez, Leila Alcasid, Erik Santos at iba pa.