Presensya ng Chinese militia sa Spratly, maayos na matutugunan ng pamahalaan – Palasyo

Tiniyak ng Palasyo ng Malakanyang na nakahanda ang pamahalaan na rumesponde kung kinakailangan sa ulat na may presensya ang Chinese militia sa Spratly Islands.

Ayon kay Presidential spokesman Salvador Panelo, sa ngayon puro espekulasyon lamang na mayroong Chinese militia sa lugar.

Una rito, sinabi ng Asia Maritime Transparency Initiative na maraming Chinese vessels ang nasa Spratly kabilang na sa mga isla na kontrolado ng Pilipinas.

Tiniyak ni Panelo na may ginagawa na ring imbestigasyon ang Department of National Defense (DND).

Makasisiguro rin aniya ang publiko na ang mga nakatalagang magbantay sa lugar ay batid na kung paano rumesponde kapag may banta o wala sa seguridad.