P58.4M jackpot ng Ultra Lotto 6/58 napanalunan

Isang maswerteng mananaya ang nakasungkit sa jackpot ng Ultra Lotto 6/58 ng Philippine Charity Sweepstakes Office (PCSO) sa draw kagabi.

Tumatanginting lang naman na P58,472,458 ang maiuuwi ng maswerteng bettor.

Nakuha nito ang winning combination na 43-55-15-02-29-56.

Wala namang nanalo sa Super Lotto 6/49 na may jackpot na P18,481,954.

Ang winning combination naman para sa naturang lotto ay 09-49-28-21-41-34.