Unity walk at inter-faith rally para mapayapang 2019 elections, isinagawa sa iba’t ibang bahagi ng bansa
Isinagawa ang unity walk, inter-faith prayer rally at peace covenant signing sa iba’t ibang lugar sa bansa ngayong araw (January 13).
Ito ay para sa mapayapang pagdaraos ng May 2019 midterm elections.
Sa Quezon City, humigit-kumulang anim na libong katao ang sumama sa pagtitipong ginanap sa Quezon City Memorial Circle.
Present sa aktibidad ang mga opisyal ng Armed Forces of the Philippines, Philippine National Police, NCRPO, at Commission on Elections o Comelec.
Dumalo rin ang iba’t ibang grupo at supporters ng mga kandidato sa local at national positions.
Nag-alay ng dasal ang religious leaders, at sabay-sabay na nanumpa ang lahat ng mga nagtipon-tipon para sa integrity pledge, o para sa maayos, mapayapa, tapat at kapani-paniwalang halalan.
Kaugnay nito, mayroon ding kahalintulad na aktibidad sa Baguio City, na dinaluhan ng mga kandidato roon, mga kinatawan ng Comelec, DILG, NAPOLCOM at religious representatives at iba pa.
Ang iba pang lugar sa Luzon, Visayas at Mindanao ay may kani-kanilang unity walk, inter-faith rally at peace covenant signing din.
LOOK:Ilocos Norte candidates commit to a peaceful midterm elections as they participate in PNP, Comelec-initiated walk for unity and covenant signing at the Aurora Park, Laoag City on early Sunday. | @leiadrianoINQ pic.twitter.com/QSsGkEwBjn
— Inquirer Regions (@InqNational) January 13, 2019
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.